၂၀၀၉ ခုနှစ်၌ ထွက်ရှိသည့် The Blind Side (မမြင်မိသောဘက်) ရုပ်ရှင်သည် အိမ်ယာမဲ့ ဆယ်ကျော်သက်လေး Michael Oher (မိုက်ကယ် အိုဟာ)အကြောင်းဖြစ်သည်။ မိသားစုတစ်စုက သူတို့အိမ်၌လက်ခံပြီး ပညာသင်ယူရာ၌ ကြုံရသည့်အခက်အခဲကို အောင်နိုင်ပြီး အမေရိကန်ဘောလုံးအားကစား၌ ထူးချွန်အောင်မြင်အောင် ကူညီပေးခဲ့သည်။ ဇာတ်ဝင်ခန်းတစ်ခုတွင် သူတို့နှင့်အတူ လပေါင်းများစွာနေထိုင်ပြီးနောက် သူ့အား မွေးစားရန်ဖြစ်နိုင်/မဖြစ်နိုင်ကို ထိုမိသားစုက မိုက်ကယ်နှင့်စကားပြောပြီး တီးခေါက်ကြည့်ရာ သူက သူ့ကိုယ်သူ ဤမိသားစုဝင်ဖြစ်နေပြီဟုပင် ထင်မှတ်ထားကြောင်း ချိုချိုသာသာနှင့် နူးညံ့စွာ ပြန်ဖြေခဲ့သည်။
၎င်းသည် အမှန်ပင် လှပသည့်အခိုက်အတန့်ဖြစ်သကဲ့သို့ သားသမီးမွေးစား ခြင်းသည် လှပသည့်ကိစ္စဖြစ်သည်။ မိသားစုတစ်စုက လက်များဖွင့်လျက် မိသားစုဝင်သစ်တစ်ဦးကို ကြိုဆိုရာ၌ ချစ်ခြင်းမေတ္တာ အပြည့်အဝဖြင့် လက်ကမ်း ပေးခြင်းဖြစ်သည်။ သားသမီးမွေးစားခြင်းက မိုက်ကယ်၏ဘဝကို အကြီးအကျယ် ပြောင်းလဲစေသကဲ့သို့ ဘဝအသက်တာများစွာကို ပြောင်းလဲစေပါသည်။
ယုံကြည်သူများသည် ယေရှုခရစ်၌ ယုံကြည်ခြင်းအားဖြင့်…
ဘုန်းတော်ကြီး Telemachus (ထီလဲ့မခက်စ်)သည် အေးချမ်းသောဘဝဖြင့် နေထိုင် ခဲ့သော်လည်း လေးရာစုနှစ်အကုန် သူ၏ပျံလွန်ခြင်းက လောကကို ပြောင်းလဲစေခဲ့ သည်။ အရှေ့အရပ်မှ ရောမသို့သွားလည်ရာ Telemachus သည် လူလူချင်း (သို့) တိရစ္ဆာန်နှင့် သတ်ပုတ်သည့်ပွဲကို သူဝင်ရောက်ဖျန်ဖြေခဲ့သည်။ အရီနာကွင်း အုတ်တံတိုင်းကို ခုန်ကျော်ဝင်ပြီး ယှဉ်ပြိုင်နေသူများ တစ်ဦးနှင့်တစ်ဦး သတ်ဖြတ် နေခြင်းကို တားဆီးရန် ကြိုးစားခဲ့သည်။ သို့သော် ဒေါသထွက်နေသည့် ပရိတ်သတ်က သူ့ကို ကျောက်တုံးနှင့်ပစ်သတ်ခဲ့ကြသည်။ သို့သော် Telemachus ၏ အပြုအမူက ဧကရာဇ်မင်း Honorius (ဟဲနိုးရီးယက်စ်)ကို စိတ်သဘောထား ပြောင်းလဲစေပြီး နှစ် ၅၀၀မျှ ကျင့်သုံးခဲ့သည့်လူသတ်ကစားပွဲကိုရပ်ဆိုင်းပစ်ရန် အမိန့်ချမှတ်ခဲ့သည်။
ရှင်ပေါလုက သခင်ယေရှုကို "ကျွန်ုပ်တို့၏ရန်ငြိမ်းခြင်း" ဟု ခေါ်ဆိုရာတွင် ဂျူးလူမျိုးနှင့် တစ်ပါးအမျိုးသားတို့ကြား ရန်လိုမုန်းတီးမှုကို အဆုံးသတ်ရန် ရည်ညွှန်းခြင်းဖြစ်သည် (ဧ ၂:၁၄)။ ဘုရားသခင်ရွေးကောက်သော…
အမေရိကန်သမ္မတ Franklin D. Roosevelt (ဖရန့်ကလင်ဒီရုစဗဲ့)သည် အိမ်ဖြူတော်၌ သူနှုတ်ဆက်ရမည့် ရှည်လျားလှသော ဧည့်သည်တန်းကြီးကို မကြာခဏသည်းခံရလေ့ရှိသည်။ ကြားရသည့်စကားများအရ၊ ပြောလိုက်သည့် စကားများကို မည်သူကမှ အာရုံမစိုက်ကြကြောင်း သူမကျေမနပ်ပြောလေ့ရှိသည်။ ထို့ကြောင့် ဧည့်ခံပွဲတစ်ခုတွင် စမ်းသပ်မှုပြုလုပ်ရန် သူဆုံးဖြတ်ခဲ့သည်။ တန်းစီနေသူတိုင်းကို လက်ဆွဲနှုတ်ဆက်ရင်း သူက "ကျွန်တော် ဒီမနက်မှာ ကျွန်တော့်အဖွားကိုသတ်ခဲ့တယ်" ဟုပြောရာ၊ ဧည့်သည်များက "အံ့ဩစရာပဲ။ ကောင်းတဲ့အလုပ်ကို ဆက်လုပ်ပါ။ ဆရာ့ကို ဘုရားသခင်ကောင်းချီးပေးပါစေ" ဟုတုံ့ပြန်ခဲ့သည်။ ဧည့်တန်း အဆုံးရှိ Bolivia (ဗိုလီဗီယာ) သံအမတ်ကို နှုတ်ဆက်ချိန်၌ သူ့စကားကို နားထောင်နေကြောင်း သိလိုက်ရသည်။ မှင်သက်စွာဖြင့် သံအမတ်ကြီးက "သူမကို ဒီလိုလုပ်သင့်လို့ဆိုတာ ကျွန်တော်သေချာတယ်” ဟုတီးတိုးပြောလိုက်သည်။
"လူတွေတကယ် နားထောင်နေရဲ့လား" ဟုသင်စဉ်းစားဖူးပါသလား။ ပိုဆိုး သည်မှာ ဘုရားသခင်နားမထောင်မှာကို စိုးကြောက်ပါသလား။ လူတို့၏တုံ့ပြန်မှု (သို့) မျက်လုံးချင်းဆုံမှုတို့အပေါ် အခြေခံပြီး…
အမေရိကန်ပြည်တွင်းစစ်အတွင်း သမ္မတအာဗြဟံလင်ကွန်း (Abraham Lincoln)သည် နိုင်ငံရေးသမားတစ်ဦးကို ကျေနပ်စေလိုသဖြင့် ပြည်ထောင်စု တပ်မတော်၏ တပ်ရင်းတစ်ခုကို ပြောင်းရွှေ့ရန် အမိန့်ထုတ်ပြန်ခဲ့သည်။ စစ်ရေးကွပ်ကဲရသူ အတွင်းရေးမှူး အက်ဒ်ဝင် စတန်တန် (Edwin Stanton)က အမိန့်စာကိုရရှိသောအခါ လုပ်ဆောင်ရန်ငြင်းဆန်ခဲ့ပြီး "သမ္မတက စဉ်းစားဉာဏ် မဲ့တယ်" ဟု ပြောခဲ့သည်။ စတန်တန်၏စကားကို လင်ကွန်းကြားသော် "စတန်တန် က ငါ့ကိုဉာဏ်မဲ့တယ်လို့ပြောရင် ငါ့ကိုငါပြန်သုံးသပ်ရမယ်။ သူက အမြဲလိုလို မှန်လေ့ရှိတယ်" ဟု ပြန်ပြောခဲ့သည်။ ထို့နောက် သူတို့နှစ်ဦး စကား ပြောဆိုကြပြီး၊ သမ္မတက သူ၏ဆုံးဖြတ်ချက်သည် ကြီးမားသောမှားယွင်းမှုဖြစ်ကြောင်း သဘောပေါက်ခဲ့သဖြင့် အမိန့်စာကို ရုပ်သိမ်းခဲ့သည်။ စတန်တန်က လင်ကွန်းကို ဉာဏ်မဲ့သူဟုခေါ်ခဲ့သော်လည်း သမ္မတက ဒေါသမပေါက်ကွဲဘဲ ပညာရှိကြောင်း ပြသခဲ့သည်။ စတန်တန်က သူနှင့်သဘောထားချင်း မတူသော်လည်း လင်ကွန်း က အကြံပေးမှုကို နားထောင်ဆင်ခြင်ခဲ့ပြီး သူ့သဘောထားကို…
သြစတြေးလျနိုင်ငံ၊ ဝါလုံကောင်းမြို့ ကုန်စုံဆိုင်တစ်ခုတွင် လူတစ်ဉီးသည် ဒေါ်လာ ၂၀ တန် ငွေစက္ကူတစ်ရွက်ကိုပေးပြီး ငွေပြန်အမ်းခိုင်းသည်။ ကောင်တာစာရေးက ငွေသိမ်းအံဆွဲကိုဖွင့်နေစဉ် ထိုသူသည် သေနတ်ထုတ်ပြီး ရှိသမျှငွေအားလုံးကို ပေးရန်ပြောရာ စာရေးက ကြောက်လန့်စွာဖြင့် ချက်ချင်းထုတ်ပေးလိုက်သည်။ ဒေါ်လာ ၂၀ တန် ငွေစက္ကူကို ကောင်တာ၌ထားခဲ့ပြီး ငွေအားလုံးကိုယူ၍ ထိုသူ ထွက်သွားသည်။ သူရသွားသည့် ငွေစုစုပေါင်းမှာ ၁၅ ဒေါ်လာမျှသာဖြစ်သည်။
ထိုသူကဲ့သို့မဟုတ်ဘဲ မှန်ကန်သောလုပ်ရပ်များကို ကျွန်ုပ်တို့ကြိုးစား လုပ်ဆောင်ကြ သော်လည်း တချိန်ချိန်တွင် ရူးသွပ်မိုက်မဲစွာ ပြုမူကြဆဲဖြစ်သည်။ သို့သော် မိမိ၏မိုက်မဲသော အပြုအမူများမှ မည်ကဲ့သို့ သင်ခန်းစာရယူမည်ဆိုသည့် အချက်က အဓိကကျပါသည်။ အမှားကို မပြုပြင်ပါက ကျွန်ုပ်တို့၏ ညံ့ဖျင်းသော ရွေးချယ်မှုသည် တစ်စတစ်စနှ င့် အလေ့အထဖြစ်သွားပြီး ကျွန်ုပ်တို့၏ဂုဏ်သိက္ခာကို ထိခိုက်နိုင်သည်။ ဒေသနာကျမ်း ၁၀:၃ တွင် ဖော်ပြသကဲ့သို့ "လမ်း၌…
ဒဏ္ဍာရီစကားများအရ ဗြိတိသျှသံစုံတီးဝိုင်းမှူး ဆရာ သောမတ် ဘီးချမ်း (Sir Thomas Beecham)သည် တစ်ချိန်က ဟိုတယ်အဝင်ခန်းမတွင် ထင်ပေါ်သော ရုပ်ရည်သွင်ပြင်ရှိသည့် အမျိုးသမီးတစ်ဦးကိုတွေ့ရာ၊ သူမကိုသိကြောင်း သေချာသော်လည်း သူမ၏နာမည်ကိုမေ့နေသောကြောင့် သူမနှင့်စကားပြောရန် ခေတ္တ ရပ်လိုက်သည်။ စကားပြောနေရင်းမှ သူမ၌ အစ်ကိုတစ်ယောက်ရှိကြောင်း ရေးရေးလေး သတိရလာသည်။ သဲလွန်စရလိုရငြား "အစ်ကိုရော၊ အခြေအနေ ဘယ်လိုလဲ။ အရင်အလုပ်မှာပဲလား"ဟု မေးလိုက်ရာ၊ သူမက "အို အခြေအနေ သိပ်ကောင်းတာပေါ့။ ဘုရင်ပဲ ဆက်လုပ်နေတယ်လေ"ဟု ပြန်ဖြေခဲ့သည်။
ဆရာ ဘီးချမ်း ကဲ့သို့ မည်သူမည်ဝါဖြစ်ကြောင်းမှားခြင်းက မျက်နှာပူစရာ ဖြစ်သော်လည်း အခြားအဖြစ်အပျက်တစ်ခုတွင် သခင်ယေရှု၏တပည့်တော် ဖိလိပ္ပု၏အခြေအနေက ပို၍ပင် စိုးထိတ်စရာကောင်းလိမ့်မည်။ သူက "ခမည်းတော်ကို သူတို့အားပြရန်" သခင်ယေရှုကို တောင်းဆိုရာ၊ "ငါ့ကို မြင်သော သူသည် ခမည်းတော်ကိုမြင်၏"ဟု သခင်ယေရှုတုံ့ပြန်ခဲ့သည် (ယော ၁၄:၈-၉)။…
အမေရိကန်ပြည်တွင်းစစ်ကာလက တပ်မှထွက်ပြေးလျှင် သေဒဏ်အပြစ်ပေးခံရသည်။ သို့သော် တပ်ပေါင်းစုက ဝရမ်းပြေးများကို သတ်ဖြတ်ခဲ့ခြင်းမရှိပါ။ အဘယ်ကြောင့်ဆိုသော် ၎င်းတို့၏စစ်သေနာပတိ အာဗြံဟံလင်ကွန်းက ထိုသူတို့ အားလုံးနီးပါးကို ခွင့်လွှတ်ခဲ့သောကြောင့်ဖြစ်သည်။ လင်ကွန်း၏သက်ညှာမှုသည် ဝရမ်းပြေးများကို သွေးဆောင်ခြင်းဖြစ်သည်ဟု ယုံကြည်သည့် စစ်ဘက်ဆိုင်ရာ ဝန်ကြီး အက်ဒဝင် စတက်နန်က ထိုကိစ္စကြောင့် အမျက်ထွက်ခဲ့သည်။ သို့သော် တိုက်ပွဲပြင်းထန်ချိန်တွင် စိတ်ဓာတ်ပျက်စီးပြီး တုန်လှုပ်ခြောက်ခြားစွာခံစားရလျက်၊ ကြောက်ရွံ့မှု၌ကျရှုံးသွားသူ စစ်သည်များအပေါ် လင်ကွန်းက ထပ်တူခံစားပေးခဲ့သည်။ သူ၏စာနာမှုက စစ်သည်များနှင့်သူ့ကို ပို၍အစေးကပ်ချစ်ခင်စေသည်။ “အဘလင်ကွန်း”ကို စစ်သည်တို့ အလွန်ချစ်မြတ်နိုးပြီး ထိုချစ်စိတ်ကြောင့် လင်ကွန်း၏လက်အောက်၌ သူတို့တိုး၍တာဝန်ထမ်းဆောင်လိုစိတ် ဖြစ်ခဲ့သည်။
ရှင်ပေါလုသည် တိမောသေအား သူနှင့်ပူးပေါင်းရန် “ယေရှုခရစ်ထံ၌ ကောင်းသောစစ်သူရဲကဲ့သို့ ဆင်းရဲဒုက္ခကို သည်းခံလော့” (၂ တိ ၂:၃) ဟုခေါ်သောအခါ ၎င်းအား အလွန်ခက်ခဲသောအမှုတော်အတွက် ခေါ်ခြင်းဖြစ်သည်။ စစ်သည်တစ်ဉီးသည် သူ့အသက်ကို အကြွင်းမဲ့စွန့်လွှတ်ရမည်။ ကြိုးစားရမည်၊ အတ္တကင်းရမည်။…